Timu yafanya mazoezi ya mwisho Sokoine

Kikosi chetu kimefanya mazoezi ya mwisho jioni kujiandaa na mchezo wa kesho wa Ligi Kuu ya NBC dhidi ya Tanzania Prisons utakaopigwa Uwanja wa Sokoine saa 10 jioni. Mazoezi hayo ambayo yamesimamiwa na Kocha Mkuu, Roberto Oliviera 'Robertinho' na wasaidizi wake yamefanyika katika Uwanja wa Sokoine ambao tutautumia kesho kwenye mchezo. Wachezaji wote 22 tuliosafiri nao wameshiriki mazoezi hayo kikamilifu na hakuna aliyepata maumivu ambayo yatamfanya kuukosa mchezo wa kesho. Morali za wachezaji zipo juu na kila mmoja ameonyesha jitihada mazoezini ili kulishawishi benchi la ufundi kumpa nafasi ya kucheza kesho. Ingawa tunafahamu utakuwa mchezo mgumu na tunaiheshimu Tanzania Prisons lakini tumejipanga kuhakikisha tunashinda na kuchukua pointi tatu ugenini.

Timu yafanya mazoezi ya mwisho Sokoine

More from the club

Kikosi cha Queens kilichopangwa kuikabili Ceasia Queens

Queens ipo kamili kuivaa Ceasia Kesho

Timu yafanya mazoezi ya mwisho New Amaan