Robertinho afurahia taji lake la kwanza

Kocha Mkuu, Roberto Oliviera 'Robertinho' ameelezea furaha yake ya kuchukua taji la kwanza tangu aanze kukinoa kikosi chetu. Robertinho amesema ameshinda mataji mbalimbali katika timu alizozifundisha awali ila ndani ya kikosi chetu Ngao ya Jamii tuliyopata kwa kuifunga Yanga kwa mikwaju ya penati 3-1 ndio la kwanza. Robertinho ameongeza kuwa haikuwa rahisi kushinda lakini amewapongeza wachezaji kwa kujituma hadi mwisho ili kufanikisha. "Nina furaha kupata taji langu la kwanza hapa, ni jambo kubwa ambalo linatupa dira kuelekea msimu mpya wa mashindano. "Nimechukua mataji matatu nikiwa Rwanda na matatu nikiwa Uganda lakini kwa hapa Tanzania hili nilakwanza. Nawapongeza wachezaji, benchi la ufundi na viongozi kwa kufanikisha hili," amesema Robertinho. Robertinho amewapongeza mashabiki wetu kwa kuendelea kuisapoti timu kila inapokuwa na imekuwa chachu kubwa ya wachezaji kujituma uwanjani kuhakikisha tunapata matokeo chanya. "Nawapongeza mashabiki wetu, wanaipenda sana timu yao. Mara zote wanajitokeza kwa wingi uwanjani kila timu inapokuwa, hili linaongeza hamasa kwa wachezaji," amesema Robertinho.

Robertinho afurahia taji lake la kwanza

More from the club

Kikosi cha Queens kilichopangwa kuikabili Ceasia Queens

Queens ipo kamili kuivaa Ceasia Kesho

Timu yafanya mazoezi ya mwisho New Amaan