Hivi hapa viingilio vya mchezo wetu dhidi ya Horoya Jumamosi

Kiingilio cha chini katika mchezo wetu wa marudiano wa Ligi ya Mabingwa Afrika dhidi ya Horoya kutoka Guinea utakaopigwa Uwanja wa Benjamin Mkapa siku ya Jumamosi kitakuwa Sh. 3000. Viingilio hivi havina tofauti yoyote ya vile vya mchezo uliopita dhidi ya Vipers kwakuwa lengo letu ni kuhakikisha mashabiki wanavyojitokeza kwa wingi uwanjani kuipa sapoti timu. Viingilio vya mchezo ni kama ifuatavyo: Mzunguko Sh. 3000 VIP C Sh. 10,000 VIP B Sh. 20,000 VIP A Sh. 30,000 Platinum Sh. 150,000 Meneja Habari na Mawasiliano wa klabu, Ahmed Ally amesema tiketi za Executive nazo zitapatikana kwa ajili ya vikundi au makampuni ambayo yatataka kuwanunulia wafanyakazi wake watapelekewa mpaka ofisini kwao. Tiketi zimeanza kuuzwa kwa njia ya mtandao, mashabiki wanasisitizwa kununua mapema ili kuepeuka usumbufu siku ya mchezo. Mchezo wa Jumamosi ni kama fainali kwetu tunahitaji ushindi ili kufuzu hatua ya robo fainali hivyo tunawaomba mashabiki kujitokeza kwa wingi kuja kuendeleza moto.

Hivi hapa viingilio vya mchezo wetu dhidi ya Horoya Jumamosi

More from the club

Kikosi cha Queens kilichopangwa kuikabili Ceasia Queens

Queens ipo kamili kuivaa Ceasia Kesho

Timu yafanya mazoezi ya mwisho New Amaan