Mgunda: Tunaelekeza nguvu zetu Angola

Baada ya ushindi wa mabao 3-0 dhidi ya Dodoma Jiji tuliopata jana sasa tunaelekeza nguvu katika mchezo wetu wa Ligi ya Mabingwa Afrika dhidi ya Premiero De Agosto ya Angola ugenini. Kauli hiyo imetolewa na kocha mkuu, Juma Mgunda ambapo amesema maandalizi dhidi ya De Agosto yameanza mara moja kabla ya kikosi kupaa kuelekea Angola. Mgunda ameongeza kuwa mapungufu yaliyoonekana kwenye mchezo wa jana yatafanyiwa kazi mazoezini kabla ya kukutana na De Agosto mwishoni mwa juma lijalo. "Tunamshukuru Mungu tumepata ushindi mnono kabla ya mchezo wetu wa Ligi ya Mabingwa, utatuongezea morali katika mechi yetu ya ugenini nchini Angola. "Maandalizi ya mchezo huo tayari yameanza na kitu kizuri hatutakuwa na mchezo wa ligi hivyo tutapata muda wa kufanya marekebisho yaliyojitokeza mazoezini," amesema Mgunda.

Mgunda: Tunaelekeza nguvu zetu Angola

More from the club

Fabrice Ngoma Mchezaji bora Kombe la Mapinduzi

Tumechukua pointi tatu za Singida FG

Hizi hapa mechi zilizotupeleka makundi Afrika