Kikosi chetu leo kimecheza mechi ya kirafiki ya kimazoezi dhidi ya KMC iliyomalizika kwa sare ya kufungana bao moja iliyopigwa katika dimba la KMC Complex.

Mchezo huo ulikuwa wa ushindani mkubwa huku timu zote zikishambuliana kwa zamu.

KMC walikuwa wa kwanza kupata bao kipindi cha kwanza kupitia kwa Pascal Mussa baada ya kuwazidi maarifa walinzi wetu.

Kipindi cha pili tulirudi kwa kasi huku tukifanya mashambulizi mengi langoni mwa KMC ingawa hatukuwa makini kwenye kuzitumia nafasi tulizopata.

Kelvin Kijili alitupatia bao la kusawazisha dakika ya mwisho kipindi cha pili kufuatia Elie Mpanzu kupiga shuti lililookolewa na mlinda mlango Ismail Mpanki kabla ya kumkuta mfungaji.

Kikosi chetu kilichoanza:

Ally Salim, Kelvin Kijili, Edwin Balua, Karaboue Chamou, Che Malon, Mzamiru Yassin, Augustine Okejepha Ladaki Chasambi, Jean Charles Ahoua, Leonel Ateba Elie Mpanzu.

Kipindi cha pili kocha Fadlu Davids aliwaingiza

Ayoub Lakred, David Kameta, Saleh Karabaka, Fabrice Ngoma, Omary Omary na Hussein Kazi kuchukua nafasi za Chasambi, Ahoua, Chemalone, Okejepha, Mzamiru na Ally.