Tumefanikiwa kuibuka na ushindi wa bao moja dhidi ya Mashujaa FC katika mchezo wa Ligi Kuu ya NBC uliopigwa Uwanja wa Lake Tanganyika mkoani Kigoma.

Mchezo ulianza kwa kasi huku timu zikishambuliana kwa zamu lakini sisi tulifika zaidi langoni mwa Mashujaa.

Mlinda mlango wa Mashujaa Eric Johora alikuwa shujaa kwa timu hiyo kipindi cha kwanza baada kuokoa michomo miwili ya adhabu iliyopigwa na Kibu Denis.

Kipindi cha pili tulirudi kwa kasi hasa baada ya kuwaingiza Jean Charles Ahoua na Debora Fernandes.

Mshambuliaji Steven Mukwala alitupatia bao hilo pekee kwa kichwa dakika ya mwisho ya nyongeza baada ya kumalizia mpira wa kona uliopigwa na Awesu Awesu.

Matokeo haya yametufanya kufikisha pointi 22 tukipanda hadi nafasi ya pili kwenye msimamo.

X1: Johora, Gamal, Mwakinyuke, Mtuwi, Abdulmalik (Protas 54′), Dunia, Stambuli, Cheda, Mgunda, Balama, Karihe

Walioonyeshwa kadi: Johora 84′

X1: Camara, Kapombe, Zimbwe Jr (Nouma 81′), Che Malone, Chamou, Ngoma (Mukwala 63′), Mutale (Fernandez 45′), Okajepha, Ateba (Awesu 71′), Kibu, Ladaki (Ahoua 45′)

Walioonyeshwa: Okajepha 68′