Kocha Mkuu Fadlu Davids amesema mchezo wa kesho wa Derby dhidi ya Yanga ni muhimu kushinda lakini hatutacheza kwa presha badala yake tutafuta mipango yetu.

Kocha Fadlu amesema maandalizi ya mchezo yamekamilika na wachezaji wapo kwenye hali nzuri kwa ajili ya kuwakabili Yanga.

Kocha Fadlu ameongeza kuwa amekiandaa vizuri kikosi kuelekea mchezo wa kesho huku akiweka wazi kuwa bado matokeo ya mechi hayataamua mbio za ubingwa sababu ligi bado mbichi.

Kuhusu hali ya wachezaji Fadlu amesema “nyota wote waliokuwa kwenye majukumu ya timu za taifa wamerejea leo watafanya mazoezi ya mwisho tayari kwa mchezo. Haitakuwa mechi rahisi lakini tumejipanga kwa ajili ya kupata pointi tatu.”

Akiongea kwa niaba ya wachezaji kiungo mshambuliaji, Awesu Awesu amesema wapo tayari kwa ajili ya kupambana hadi mwisho kuhakikisha ushindi unapatikana.

“Tupo tayari, itakuwa mechi ngumu. Hii ni ‘Dabi’ na siku zote inakuwa na presha kubwa lakini tumapata maandalizi ya kimwili na kiakili kwa ajili ya kufanya vizuri,” amesema Awesu.