Ushindi wa mabao 4-0 tuliopata dhidi ya KMC katika mchezo uliopigwa kwenye dimba la KMC Complex umetufanya kukaa kileleni mwa msimamo wa Ligi Kuu ya NBC.

Kiungo mshambuliaji Awesu Awesu alitupatia bao la kwanza dakika ya 25 kwa shuti kali akiwa ndani ya 18 baada ya kupokea pasi ya Steven Mukwala.

Jean Charles Ahoua alitupatia bao la pili kwa mkwaju wa penati dakika ya 36 baada ya mlinzi Shomari Kapombe kufanyiwa madhambi ndani ya 18.

Edwin Balua alitupatia bao la tatu dakika ya 66 Kwa shuti kali ndani ya 18 lilomshinda mlinda mlango wa KMC, Fabien Mutombora baada ya kupokea pasi kutoka kwa Valentine Nouma

Dakika mbili baadae Ahoua alitufungia bao la nne baada ya Kutumia vizuri makosa ya Mlinzi wa KMC, Ismail Gambo.

Kocha Fadlu Davids alifanya mabadiliko ya kuwatoa Awesu Awesu, Debora Fernandes, Ladaki Chasambi, Karaboue Chamou na Fabrice Ngoma kuwaingiza Omary Omary, Mzamiru Yassin, Edwin Balua, Kibu Denis na Hussein Kazi.

Katika mchezo huo Jean Charles Ahoua amechaguliwa nyota bora wa mchezo baada ya kuhusika kwenye mabao mawili pamoja na kuonyesha kiwango safi.

Ushindi huu umetufanya kufikisha pointi 25 baada ya kucheza mechi 10 tukipaa kileleni mwa msimamo.